تاج إيما

اتأخرت كتير على تاج إيما مع انى سعيدة جدا به بس أخيرا استعديت و جيت، يلا بينا نبدأ

.أذكر خمس أحلام على الأقل تخص ماضيك وتحلم فيها بتغير الأشياء ..ماذا ستعدل ..وماذا ستترك ؟

أولا كان أكبر حلم عندى زمان وأنا لسة فى الكلية-هو مش من زمان أوى يعنى- ان يكون عندى بيت مفكرتش كبير ولا صغير بس المهم ان يكون له حديقة كبيرة وتكون كلها مزروعة أخضر زى نوادى الجولف كدة يعنى ويكون البيت دة كله ابيض فى أبيض الجدران بيضاء و الأرضية بيضاء و التائر و الفرش تكون كل حاجة فيه بيضاء وكان اخواتى بيتريقو عليا و يقولوا انى سوف أكون صاحبة البيض الأبيض. ولما جيت عند الجد يمكن الجدران جاءت بالصدفة بيضاء بس لقيتنى مش حبة الفكرة خاااالص.

ثانيا كان حلمى انى لما أخلص دراستى أتعين فى الكلية بس الكوسة دمرت لى هذا الحلم

ثالثا كنت بحلم ان تظل القراءة رفيقتى و ان أظل أكتب خواطرى بنفس الجودة التى كنت عليها أيام الكلية بس دى كمان المسؤلية الزيادة بتقضى عليها شوية شوية

رابعا كان نفسى أنا وصديقتى المقربة منفترقش أبدا ونتزوج أخين كى نظل دوما سويا و الآن هى فى بلد وأنا فى بلد تانية خاالص يمكن بنراسل بعض كل سنة مرة

خامساكان نفسى شريك حياتى يكون هو صحبى وأبوية وأخوية وكنت بحوش كل مشاعر الحب اللى ممكن تكون عند أى بنت كى أعطيها كلها الى زوجى وهذا هو الحلم الوحيد اللى اتحقق لى لغاية دلوقت ربنا يستر!!!!

.اذكر 5أحلام على الأقل تخص مستقبلك..

أولا نفسى أوى أعمل عمرة

ثانيانفسى أوى أشوف أمى وأخواتى اللى بقالى سنتين مشفتهمش

ثالثا نفسى أوى أنا اللى أربى ابنى مش حد غيرى

رابعا نفسى أوى ابنى يكون عبقرى ويحفظ القرآن كله فى سن سبع سنين ويغير هو وضع المسلمين الراهن يعنى عوزاة عمربن الخطاب أو صلاح الدين

خامساحلم هحتفظ به لنفسى بادعى به ربى ليل نهار

.اذكر شخصين على الأقل متواجدين في حياتك حالياً كنت تود وجودهم قبل الآن بزمن..

الشخص الأول زوجى كان نفسى أقابلة أيام ما كان فى أواخر الثانوية العامةوبدايات الكلية وعلى فكرة احنا فعلا اتقابلنا بس كان بيدينى بمبونى ويطبطب عليا عشان انا كنت لسة عيله بس انا أقصد كنت أقابله واحنا كباركدة ازاى حولو تعدوها بأة مش مهم

الشخص الثانى صديقتى دينا كان نفسى أقابلها قبل كدة بشوية

الشخص الثالث شخصى غالية عندى تحل محل والدى رحمه الله

4.اذكر شخصين على الأقل غير متواجدين في حياتك حاليا كنت تود وجودهم الآن أو في حياة أولادك مستقبلاً..

الشخص الأول أبى و الثانى أبى والثالث أبى كم انا فى الحاجة اليه على ما اعتقد ان هناك حكمة لوفاته لأنه لو كان عايش عمرى مكنت هسيبه واعيش بعيد عنه أبدا أبدا أبدااااا

معلش رغيت كتير وصدعتكم ووجعت دماغكم كلمة عامية على كلمة فصحه الله يكون فى عونكم

أهدى لمين بأة التاااج؟!!!

أهو دة عيبه

كلاكيت تانى وتانى

واحدة مفروسة

أحمد سكر

Miss. Sosa