الحب..أسر
الحنان..أسر
العطف..أسر
الوفاء..أسر
الشفقة..أسر
العرفان بالجميل ..أسر
الأدب..عذاب
الأخلاق..عذاب
التربية..عذاب
العلم..عذاب
الإعتزاز بالنفس..عذاب
التضحية..عذاب
اللهم فك أسرى..وارحمنى من العذاب يا أرحم الراحمين يا الله
الأب..أمان
الأب..سند
الأب..حمى
بلا أب..بلا حياة
اللهم حرمتنى الأمان و السند و الحمى .. اسألك الرضا يا الله
هناك 17 تعليقًا:
سلام الله عليك حبيبتي : كلما زرتك تمنيت أن أرى بسمة أو أسمع ضحكة في جنبات هذا المكان...أشعر بك صدقيني وبخاصة بعدما عرفت عن غربتك من جهة وافتقاد والدك رحمه الله من جهة أخرى وعملك الشاق الذي يحرمك متعة الجلوس مع ابنك...
لكن من منا بلا هموم وأحزان يا أختي ؟!
ان كنت في غربة خارج الوطن فأنا في غربة أشد داخله..وان كنت تفتقدين والدك لوفاته فأنا أفتقده أطال الله عمره لانه مسافر دائما وربما لا أراه الا في اجازة قصيرة خلال العام
وهموم أخرى كثيرة هذا عدا همنا المشترك بمصير الامة المسلمة.
الحمد لله على كل حال
أسأل الله أن يعوضك عن والدك بزوجك وابنك فتجدي فيهما الامان والسند والحمى.رعاك الله
ليه كل ده يا حبيبتي ..
معاك ساعات الحب بيكون أسر..لكن الأدب والتربيه والأخلاق والعلم لا يمكن يكونوا عذاب ...هما يمكن يكونوا كده لما تتعاملي مع ناس معندهمش لا أدب ولا أخلاق ولا تربيه ولا علم ..والحكايه دي حصلت لي كذا مره هنا في الغربه..وكرهت حياتي ساعتها..
لكن مع التجربه إكتشفت إني أنا إللي صح..
يارب يكون وصلك إللي عايزه أقوله ..ميهمكيش من أي حد وبصي أمامك وبس دايما..لأنك لما هتمر أي حاجه وحشه هتقولي ياريتني ما ضيعت عمري في الحزن والهم ...صدقيني
وعايزه أشوف قريب بوستات كلها إشراق وسعاده..
بنصحك وأنا لسه غامه الناس بالبوست بتاعي ..ههههههههههه
سلمي على محمد
هى دة الحقيقة
الحياة كلها ما هى الا اسر كبيير
وكل حاجة هى اسر لينا بس الفرق اننا
فى اسر بنبقا حبينة فعشان كدة بنبقى
قاعدين واحنا اخر انبساط
وربنا يرحم والدك دة كان حاجة كبيرة
جدا ليكى اظاهر انة كان ليكى سند كبير
ربنا يعينك
انت بجد حد بااار جدا بوالدة وبذكراة
واكيد بردة والدك كان شخصية مؤثرة
ربما يرحمة ويسكنة فسيح جناتة
بصراحه البوست رائع و جميل جدااااااااااااااا
حلو اوى الكلام
حرة المداد
أولا لك جزيل الشكر لأنك مشرفانى فى مدونتى المتواضعة. أعلم ان الوطن ليس هو البلسم الذى سيشفى الجروح لكنى أعشقه وأتمناه مهما كان ومهما أصبح. وحشنى أوى النيل(شارع البحر) ووحشنى أوى كبرى المشاة اللى بين المنصورة وطلخا. ووحشنى أوى مسجد النصر وآيس كريم الفيومى وحشنى رائحة الورد والزرع اللى جنب بيت ماما واللى كنت بعشقهم. وحشنى اخواتى أوى وبندم على كل مرة مديت يدى على حد فيهم او خاصمت حد فيهم حتى مناظر البيوت القديمة ورائحة فرن العيش وحشونى.بما انك من المنصورة فأكيد عرفة اللى بقولة وحسة به.
أعاد الله لك والدك وأقر به عينك وأثلج به صدرك. ربنا يبارك فى عمرة
بجد شكرا جدا على مرورك
ema
وحشتينى يا إيما، الحب أسر دى حقيقة والأدب و التربية والأخلاق عذاب لأنهم بيمنعوكى انك تردى على الإساءة والعلم عذاب لأنه بيخليكى فاهمة ومدركة اللى بيحصل حواليكى وانت مش قادرة تغيرى حاجة فتفضلى تتعذبى
البوست بتاعك ساكن فى قلب كل مغترب.
محمد بيسلم عليكى كتييير
أيام العمر
أنا بارة بذكرى أبى لأنه كان أعظم أب فى الدنياكل حاجة كويسة بعملها هو اللى علمها لى. وكل صفة حسنة عندى هو اللى ورثها لى.
اللهم آمين ربنا يتقبل دعائك
واحدة مفروسة
شكرا على المجاملة الرقيقة دى يا مفروسة انا بحب الصورة اللى انت حطاها دى أوى
حبيبتي لا أملك الا أن آتي برغم علمي المسبق أن دموعي سترافقني وأنا أقرأ لك...لكن أشعر جيدا بكل ما قلت وبرغم غربتي وأنا طفلة وصبية وتعلقي بوطن آخر فاليوم أنا أعشق هذا الوطن الام برغم كل ما فيه و هو السبب في لجوئي للكتابة لاحمل عنه بعض همومه وهو السبب أن غالبية كتاباتي مليئة بالشجن...فالشجن أصبح لي رفيقا...أحب المنصورة نعم وأعشق السير في شوارعها وطرقاتها...وبخاصة كوبري المشاه الذي ذكرته حيث سرت لاول مرة مع صديقة لي في الثانوية ومن اول يوم وقعت في هواه ..وكم من مرة سرت فوقه أبث النيل أحزاني وألمي!..ونادي الاطباء حيث كنت أخلو بنفسي بعيدا لأكتب...كذلك السير بهدوء وبطء في شارع المختلط أحب شوارع المنصورة الى قلبي لشدة حبي للمبان القديمة وأشجار البانسيانس وتيجانها الحمر... واسترجاع ذكريات المدرسة الثانوية فيه و... بيت صديقتي الاقرب لي والتي حرمتني منها غربتها مع زوجها هذا العام..لكن لا أريد أن أصدمك بأن المحافظ السابق لا سامحه الله قد شوه جمال المنصورة عروس الدلتا بشكل وحشي خلال سنوات توليه السبع وولى من هنا مصحوبا بلعنات الناس وأفكر في الكتابة عن هموم المنصورة لعل أحدا يصغي...
ما الامر اليوم ؟!
فأنت وايما قلبتما علي المواجع وأثرتما في نفسي ذكريات تستجلب البكاء!...ان شئت اقرئي تعليقي على موضوعها عن الغربة...ردكما الله من غربتكما ورد الوطن الحبيب من غربته .دمت بخير
وانا بجد اتمنى الاقى هنا بسمه
يمكن الغربه
يمكن سنين البعاد
ليه كمية الحزن اللى جواكى دى
اممممممممم
اعترفى
انهارى
بسرعه
يؤ
لسا مكشرا بردو
تيب يستى
بوست حلو
ايون
بس
تحياتى
احمد
واتيت على الجرح وضغطى
لا يعرف النعمه الا من فقدها
اللهم انا اسألك الرضا
أمين
السلام عليكم
ربما يكون الله سبحانه و تعالى قد أخذ منكى الأمان و لكنه حتما قد أبقى لكى الحنان أو البديل الذى تلجئين إلى مرفاء أحضانه إذا ما داهمتكى عواصف الحياة..
أدعو الله لكى
بثبات القلب و راحة البال
وإطمئنان النفس و سداد الرأى
ملحوظة..
آسف إن كانت قصيدتى قد سببت لكى ألما لا أعلمه
تقبلى مرورى و إعتذارى
السلام عليكم
حرة المداد
اسعد جدا بندائك حبيبتى واسعد جدا جدا بمروركعندى ولكن ليس بيدى اختى العزيزة ان اجتث الحزن من قلبى مع أسفى الشديد ان تكون الدموع هى رفيقتك عندى. ادعى لى حبيبتى ان تجدى الضحكات تملأ المكان وألا ترى سوى الفراشات والبسمات و الزهور عندما تزورينى
السلام عليكم
أحمد سكر
مهما ضحكنا فالحزن جزء منا يسكن القلوب والنفوس ولكنه يتوارى حتى تستفزه الأحداث فيثور ويطفو على السطح.
وجودك هنا يضفى بهجة على مدونتى المتواضعة
السلام عليكم
الطائر الحزين
ليتنا نولد كبار فندرك معانى الأشياء مبكرا قبل ان يفوت الأوان
جزاكم الله كل الخير على المرور
السلام عليكم
واحد من البلد دى
اللهم آمين يارب العالمين. لا يعتذر عن الإبداع وكلما مس الإبداع الإحساس وكلما أثر فى المشاعر والشخصيات فاعلم انك تستحق الشكر. لذا فلا أسف
كلام جميل بس كله حزن حبيبتي
ربنا يسكن والدك الفردوس الاعلى وتتجمعى معه بعد عمر مديد بصحبة المصطفى عليه السلام
هونى على نفسك ابتسامة محمد تنسيك كل هم والم وحزن
وكمان لمسة حنان واحدة من زوجك اكيد حاجة تشيل الهم
ربنا يرضيكى ويفرح قلبك وتكونى عون لوالدتك واخواتك
إرسال تعليق